Merkezê Îrtîbatî û Çapemenîye yê HPGyî (HPG-BÎM), bi eşkerayîyêke da zanayene ke 6ê tebaxe de hêrişê vera Herêmanê Pawitişî yê Medya de gerîlayê bi nameyê Rêzan û Bawerî şehîd bîyê.

Eşkerayîye wina ya:

''Hêrişanê dewleta tirke yê vera Herêmanê Pawitişî yê Medya de 6ê tebaxa 2023yî de ewladê şarê ma yê Botanî yê ercîyayeyî  Rêzan û Bawer şehîd bîyî. Embazê ma Bawer û Rêzan bi qerardarî, îdîa û bawerîyêka pîle her hela xo de serkêşîya perwerîya bi şehîdan û Rayber Apoyî de ciwîyayî, bîyî nimûneyê Apogîrî yê raştikênî. Embazanê ma Rêzan û Bawerî pê tewir û tewrbîyayîşê xo tarîxê têkoşînê ma de cayê xo girewt.

Ma soz danê ke xeyalanê embazanê ma Rêzan û Bawerî bîyarê ca, qesasê înan bigêrê. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Embaz Rêzan Şirnex de dadîya xo ra beno. Apê embaz Rêzanî Murat (Behlul Gungen) xoverdayîşê xoîdarekerdişî de şehîd bi. Naye ser o tedaya keyeyê embaz Rêzanî koçê Kampa Mexmûrî keno. Amika embaz Rêzanî Rûkene Botan (Gulere Gungen) zî 17ê kanûna 2022yî de şehîd bena. Embaz Rêzan vera hêrişanê dewleta tirke  seba qesasî 2023 de tewrê gerîlayan beno. Embaz Rêzan mîyanê gerîlayan de tim pêro erk û mesuldarîyanê xo ano ca û xo ver beno. O cephe de tewr vernî de tim cagêno. Embaz Rêzan 6ê tebaxe de hêrişê artêşa tirke ya îşxalkere de şehîd beno. Ma do alaya ci ya têkoşînî ser bivisnê.

Embaz Bawer mîyanê keyeyêkê kurdîstanijî de Îstanbul de dadîya xo ra beno. Embazê ma Bawer hêverî xebatanê ciwanan de cagêno. O dima zî 2019 de bi qerardarî verê xo dano koyan, tewrê gerîlayan beno. Embazê ma Bawer hem warê îdeolojîkî de hem zî warê leşkerîyî de pê perwerdeyan beno pispor. Embaz Bawer tim bi qerardarî û îradeyêkê pîlî têkoşîn keno û çi mesuldarî bikewo milê ey bêkêmasî ano ca. Embazê ma Bawer ruhê serkewtişî kesayetê xo de mojneno ra. O peyê xo de mîrasêkê têkoşînî yê pîlî verdeno. Ma do sey embazanê ey nê mîrasî pê serkewtişî tacîdar bikerê.''