Meclîsê Ciwanan ê Welatperweran ê Binarê Qendîlî çarçewa Seferberîya Heftanînî de seba vîrameyîşê Helmetî (Dîyar Xerîb) turnuvayêka futbolî serûber kerde. Turnuva vizêr şan dest pêkerd.

Temamîya dewanê Binarê Qendîlî de 18 tîmî tewrê turnuva bîyî. Verî ke turnuva dest pêbikera nameyê Komîteya Amadekarîye ser o Saman Kaskayî qisey kerd û vat: ''Turnuva mîyanê şert û mercanê zehmetan de seba vîrameyîşê Şehîd Helmetî ameye serûberkerdene. Na turnuva seba ciwananê Binarê Qendîlî girîng a. Pêro dewan ra tîmî tewrê turnuva bîyî.''

Qiseykerdişê Samanî ra dima turnuva pê maçê mabênê tîmanê Berkira û Lawanê Zorkan de dest pêkerd. Lawanê Zorkan pê skorê 7-6î maç de ser kewt.

Maço diyîn zî mabênê tîmanê Sterêkanî Qendîl û Halokanî Pişder de ame kaykerdene. Halokanî Pişder pê skorê 7-1î ser kewt.

Turnuva dewam kena.