Roniştişê 3. ê dewaya Hemşaredara Qersî Şevîne Alaca, Hemserekê HDPyî yê Qersî Cengîz Anli, îdarekarê HDPyî Îzzet Altig, Mustafa Yardimcier, Reis Baykiz û Kaya Nakî Mehkemeya Cezaya Girane ya 2. ya Qersî de ame kerdene.

Hemşaredara Qersî Şevîne Alaca bado ke îqtîdarî Şaredarîya Qersî xesp kerd 8ê teşrîna verêna 2020î de ameyebî tepiştene. Heyetê mehkeme bi îdîaya ''endamîya rêxistine'' cezaya 6 serran û 10 mengan û 15 rojan daye Alaca û a qerarê texlîyeya ci da.

Reyna heme sîyasetmedarê bînî zî demê tepişnayîşê înan verê çîmî de ame girewtene û derheqê înan de qerarê texlîye ame dayene.

Roniştişo bîn ê dewaya sîyasetmedaranê HDPyî do 10ê hezîrane de bêro kerdene.