Wekîla HDPyî ya Wanî Muazzeze Orhan Işik tecrîdê vera Rayberê Şarê Kurdî Abdullah Ocalanî ser o ANFyî rê qisey kerd.

Wekîle Muazzeze ard ziwan ke tecrîd tesîrê pêro beşanê komel û dewlete keno û vat: ''Dewlete çareserkerdişê meseleya kurdan red kena. No zî meseleyan pîl keno. Binpaykerdişê heqanê tepişteyan, wesayet, tedaya vera çapemenîye, astengkerdişê azadîya  fikran, bêkarîyei krîzo ekonomîk, vêşanîye, kişîyayîşê cinîyan nê pêro tecrîdî ra semed qewimîyenê. Tecrîd nêşinasnayîşê huqûqî yo. Mehkemeyî pê fermanan têgêrenê, goreyê qanûnan nê.''

Muazzeze Orhan pare kerd ke çareserîye qedînayîşê tecrîdî yo û vat: ''Îqtîdar rijîya. Serekkomarî helalîye waşte no zî îsbatê çinbîyayîşê îqtîdarî yo. AKP-MHP cuya ma, ameyoxê ma, welatê ma visneno binê tarîtîye. Ganî ma vera îqtîdarî têkoşîn bikerê. Ganî ma tecrîdî wedarnê û meseleya kurdan pê rayîrê haştîyane û demokratîkî çareser bikerê. Muxatab Birêz Ocalan o.''