London û Graz de qetilkerdişê rojnamegeran Nazim Daştan û Cîhane Bîlgîn ame protestokerdene.

Paytextê Brîtanya London de verê bînaya BBCyî de vengdayîşê Înîsîyatîfê Rojnamegeran û Meclîsê Şarê Kurdî ser o çalakîyêke ameye kerdene. Çalakîye de fotografê Nazimî û Cîhane ameyî akerdene û sloganê sey  “Şehîd namirin”, “Bijî berxwedana Rojava”, “Dewleta Tirk a Terorîst” ameyî vatene. Çalakîye de rojnameger û nuştox Îlham Bakirî qisey kerd û pare kerd ke qetilkerdişê rojnamegeran sûc o, coka ganî dewleta tirke bêra muhakemekerdene. Rojnamegere Nejla Arî zî bale ante bêvengîya BBCyî ser û vat: ''Şima çira bêveng ê?''

Şaristanê Grazî yê Avusturya de zî kurdîstanijan û dostanê înan hêrişê vera Rojawanî û qetilkerdişê rojnamegeran protesto kerd. Çalakîye de sloganê sey "Bijî Serok Apo”, “Bijî Berxwedana Rojava”, “Kobanê û YPG-YPJ", "Jin Jiyan Azadî" ameyî vatene, vilawekî ameyî vilakerdene.