Qeymeqamê Tirkî  nêverda HDP buroyê weçînitişî akero

HDP’yî waşt herêma Estelî ya Mîdyatî de buroyê weçînitişî akero, labelê qeymeqam Huseyîn Tekînî destûr nêda.

Buroyê weçînitişî yê HDP’yî yo ke ganî vizêrî kuçeyê Seyfettîn Guneştenî yê taxa Yenî ya qezaya Mîdyatî ya Mêrdînî de biameyêne akerdene, qeymeqamî destûr nêda.

Nuşteyê qeymeqamîye yo ke morê qeymeqam Huseyîn Tekînî binê de ca girewto de, ame îdîakerdene ke semedê “asayîş”î ra destûrê akerdişê buroyê weçînitişî nêameyo dayene.

HDP amadekerdiş kena ke Serdozgerîya Komare ya Mîdyatî de gerreyê qeymeqam Tekînî bikero. Buroyê weçînitişî rojanê verê ma do abibo.