Qeyûmê Wanî taxa Bûzhane ya qezaya Rêya Armûşî de 110  axurî rijnayî. Yeno vatene ke qeza de hema zaf axurî do bêrê rijnayene. Qeyûm Sînan Aslanî şarî rê gef wend ke heqê rijnayîşê axuran û 'cezaya viraştişê axuran ê qeçaxan' pê se ra 20 faîzî  heywankaran ra do bêro girewtene. Heywankarê ke hem pê hezaran zerarê pereyan resa ci hem zî heywanê ci teber de mendî, mexdûr ê.

Heywankarêko ke nêweşt nameyê xo bido vat: ''Bi serran o ke ma heywankarîye kenê. Verê cû ma dewanê xo de heywankarîye kerdêne. Dima ke dewî ameyî vêşnayene û wareyê ma qedexe bîyî ma neçare mendî ke koçê merkezan bikerê. Ma pê mesrafê pîlî axurê xo viraştî. Nika destê ma de o zî çin o. Ma do senî heywankarîye bikerê?''