Partîya Demokratîke ya Şaran (HDP) qezayanê Sûr, Peyas, Rezan û Yenîşehîrî yê Amedî de bale ante grevê vêşanîye yê tepişteyan yê vera tecrîdê vera Rayberê Şarê Kurdî Abdulah Ocalanî ser û tecrîd protesto kerd.

Yenîşehîrî de polîsan banê HDPyî girewt binê ablûqa û destûr nêda partiyîjî vejîyê teber. Polîsa rojamegerî zî dormayê partî ra fînayî dûrî.

Peyas de zî çalakîya ke verê Vîrdarîya Heqanê Merdiman a Parka Koşuyoluyî de ameye organîzekerdene ameye astengkerdene. Polîsan çalakwanî girewtî binê ablûqa û destûrê eşkerayîye nêda. Nayî ser û şarî bi çalakîya roniştişî bale ante tecrîd û grevê vêşanîye ser.

Sûr de zî çalakîya zî verê Vîrdarîya Ahmet Arîfî ameyî astenkerdene. Polîsan binaya HDPyî girewt binê ablûqa û desûrê dekewtiş û vejîyayîşî nêda.

Rezan de Parka Roboskî de eşkerayîya çapemenîya ke ameye organîzkerdene polîsan vat têna des kesî eşkenê tewrê ci bibê. Nayî ser o HDPyîjan bi çapikan rewşe protesto ker banê partîye rê peyser agêrayî.