Qezayanê Elkê û Qilebanî yê Şirnexî de talankerdişê daristanan bi destê qoricîyan dewam keno. Herêma Bêtkarî ya Qilebanî de bi bahaneya 'kalekol virazîyeno' darî birîyenê û her roje birnayîşê daran vilayê warêkê hîrayî beno. 

Elkê û Qileban de qoricîyî binê çimdarîya leşkeran de daran birnenê. Dîya zanayene ke kesê ke daran birnenê rojane hezar lîra yewmîye gênê. Darê ke birîyenê erzîyenê traktoran. 

Ame parekerdene ke her roje qasê 40 traktorî şuxilîyenê. 40 traktorî qasê 600-700 tonan daran gênê.

Zafê nê daran verê qereqolê Xabûr2yî de û klubeyanê qoricîyan de yenê komkerdene. Tîya ra zî bi TIR û kamyonan erşawîyenê şaristananê bînan.