Amed çarçewa tehqîqatê vera Kongreya Komelê Demokratîkî (KCD) yê 2018î de derheqê 64 kesan de bira tepiştişî ameye dayene. Çarçewa tehqîqatî desere de Amed de Îzmîr, Îstanbul, Adana, Şirnex, Êlih û Wan de sereştişanê keyeyan de Hemşaredarê Êlihî Mehmet Demîro ke wezîfe ci amebi xespkerdene û Hemşaredara Farqînî Naşîde Toprak, îdarekarê KCD, HDP, DBP, Komeleya Cinîyan a Rosa û rêxistinanê komelê sivîlî û avûkatî zî tede 42 kesî ameyî destbendkerdene.

Kesê ke ameyî destbendkerdene nê yê: ''Endamê Dîwanê KCDyî Jîyan Taş û Huseyîn Kaya, îdarekara Komeleya Rosa Roja Bariş, Hemşaredara Farqînî Naşîde Topraka e wezîfe ra amebî girewtene û hepsê keyeyî de bîye, Îdarekara MEBYA-DERî Yildize Damla, Endama Meclîsê DBPyî Leyla Bagatir, Sendîkaya Kedkaranê Buroyî (BES) ra Suphî Îzol, Endamê Şaredarîya Hezroyî Fesîh Balbey, Endamê Meclîsê Şaredarîya Bismilî Enver Çelîk û Aynure Aktar, qezaya Çinarî ra enver Temîz, endamê Meclîsê KESKî Aytene Tekeş, Endamê Odaya Muhendîsanê Makîne Arîn Zumrut, maya haştîye Makbule Ozbek, avûkat Berdan Acun, Hemserekê HDPyî yê Karazî Cahît Ay, Hemsereka verêne ya Pasûrî Selva Akkoyun, qezaya Rezanî ra Gurbete Çakar, qezaya Farqînî ra Mehmet Saglam, Fatma Bulbul û Tahîr Turan.''

Riha de protesto

Rêxistina HDPyî ya Riha sereştişê KCDyî, û destbendkerdişê endamanê sendîkayan, sîyasetmedaran û cinîyan protesto kerdî. Wekîlê HDPyî yê Riha Omer Ocalanî vat: ''Şima do nêeşkê sîyasetê kurdan tasfîye bikerê.''