Artêşa tirke menga vîyarte de pare kerdbi ke koyê Tendurekî de operasyon do bêro kerdene û qoricîyî zî ganî tewrê operasyonî bibê. Leşkeranê ke venga qoricîyan da, qala girîngîya operasyonî kerde. Labelê qoricîyê dewa Pîra Erdî Hakî Taşî vat ke o nêweş o coka nêwazeno tewrê operasyonî bibo. Dima mabênê leşkeran û Taşî de nîqaş qewimîya û leşkeran tira vat: 'Ya ti tewrê operasyonî benê yan zî ti çeka xo danî.'

Goreyê zanayîşan şanê 16ê tebaxa 2020î de qezaya Çaldiranî de operasyonêk ame kerdene. Hakî Taş zî neçarîye ra tewrê operasyonî bi. Taş verî ke bireso cayê operasyonî bi hedefê şîdetê leşkeran, didanê Taşî şikîyayî. Dima zî leşkeran fîşekî eştî lingê Taşî û o kişt.

Operasyon de keso bîn ne bi birîndar ne zî merd. Cenazaya Taşî bi lezî hetê leşkeran ra ameye definkerdene. Leşkeran keyeyê Taşî zî bi xurtî hîşyar kerd ke zanayîş nêdê teber.

Goreyê vatişanê dewijan herême de şer nêqewimîya. Vengê çekan ra dima qoricî Taş bi 4 fîşekan merd û bê otopsî ame definkerdene.