Merkezê Çapemenîye yê QSDyî bîlonçoya çalakîyanê ke vizêr vera hêrişanê dewleta tirke ya îşxalkere û çeteyanê ci ameyî kerdene, eşkera kerde.

Eşkerayîye de nê ameyî vatene:

"Heme cephaneyanê Rojawanî de çarçewaya xopawitişê meşrûyî de vera hêrişanê dewleta tirke ya îşxalkere xoverdayîş dewam keno.

Vizêr saetanê serê sibayî de dewleta tirke ya îşxalkere dewê  dormeyê Awbendê Tişrînî pê obusan dayî bombayan ver. Saetanê cemê şanî de çeteyan hêrişê qilê verê dewanê Etşana  û Xirbe Zemala kerd. Hêzanê ma cewabê hêrişan da û wesayîtê înan hedef girewtî. Naye sero çeteyî warî ra remayî. Bi hewayêkê hemwextî artêşa tirke herême pê obusan daye bombayan ver.

Şervananê ma bajarêkê Ebû Qelqelî de çalakîyêka bitesîre kerde. Yewîyanê Şehîd Harunî komê çeteyan hedef girewt. Çalakîye de 17 çeteyî ameyî kiştene û 4ê înan leşkerê tirkî 21 çeteyî birîndar bîyî. 3 wesayîtê çeteyan ameyî îmhakerdene. Wextê çalakîye de wesayîtê hewayî yê bêmerdimî gêrayî. Çalakîye de şervanêkê ma şehîd bi.

Cepheyê Dêr Hafirî de droneyê dewleta tirke gêrayî.Yewîyanê Şehîd Harunî nê cepheyî de wesayîtêkê çeteyan îmha kerd. Reyna nuqtayê hêzanê ma hetê di droneyanê kamikaze yê çeteyan ra dîyaye bombayan ver, zerarêk nêresa hêzanê ma.''