Merkezê Îrtîbatî û Çapemenîye yê HPGyî eşkera kerd ke gerîla Çekdar Goyî şehîd bîyo û nê vatî:

''Ewlado qehreman ê Botanî û mîlîtano Apoyî yo fedayî hemrayê ma Çekdar 2024 de hêrişê dişmenî yê vera Herêmanê Pawitişî yê Medya de şehîd bi û têkoşînê xo yê azadîye titîk de temam kerd. Ma sey hemrayanê ci hemrayê xo Çekdarî bi rêzdarî yad kenê û soz danê ke ma do vîrameyîşê ci Kurdîstanê azadî de bidê ciwîyayene.

Ma sere de keyeyê ci yê erjîyayeyî rê, heme şarê welatperwerî yê Kurdîstanî rê serweşîye wazenê. Ma soz danê ke ma do têkoşînê şehîdan bi serkewtişî tacîdar bikerê.

Nasnameyê hemrayê ma  Çekdar Goyî wina yo:

Hemrayê ma Çekdar sey endamêkê eşîrê Goyî keyeyêkê welatperwerî yê Sêrtî de yeno dinya û bi kulturê kurdan beno pîl. Seba ke merdimanê ci yê nizdî ra sere de hemrayê ma Şehîd Mehmet Goyî û Mehmet Kaplan tewrbîyayox û şehîdî est ê, qijtîya xo ra têgêrayîşê ma ra hes keno. Hemrayê ma Çekdar seba ke mekteban de ziwanê ci yê dayîke qedexe yo, bi hewayêkê sîstematîkî dewleta tirke ya îşxalkere dewanê kurdan vêşnena, qirkerdişan kena, keyeyê ci tim binê zextê de yo, raştîya dişmenî rewî ra fam keno. Hemrayê ma Çekdar verî tewrê xebatanê ciwanan beno û 2015 de Vakurê Kurdîstanî de tewrê refanê gerîlayan beno.

Badê perwerdeyê kilmî waranê têkoşînê aktîfî de cayê xo geno. Hemrayê Çekdar Xoverdayîşê Sûrî yê tarîxî de yo ke serkêşîya Şehîd Çîyager Hêvî – Cihat Turkanî de ame averberdene, ca geno. Nê xoverdayîşî de beno birîndar la tedawî ra dima reyna wezîfeyê xo yê şorişgêrî rê dewam keno. Dima ra esîr kewno destê dişmenî û sey mîlîtanêkê Apoyî xoverdayîşê xo zîndan de domneno.

Hemrayê ma Çekdar badê zîndanî verê xo dano koyanê Kurdîstanî û Herêmanê Pawitişî yê Medya perwerdeyê îdeolojîk û leşkerî vîneno û wazeno şiro waranê şerê germinî. Hemrayê Çekdar bi hemrayîya xo ya sade û duriste beno mîlîtanêko Apoyî. Hemrayê Çekdar 2024 de tewrê kerwanê şehîdan beno. Ma soz danê ke ma do xeyalanê ey bîyarê ca.''