KCKyî derheqê pêvînayîşanê Heyetê Îmraliyî de eşkerayîye daye û nê vatî:

''Heyetê Îmraliyî yê DEM Partî derheqê  pêvînayîşanê xo de eşekrayîye daye û vat pêvînayîşê înan ê meclîsî û teberê ci ke çarçewaya fîkr û pêşnîyazanê Rayber Apoyî de ameyî kerdene, pozîtîf ravêrtî û semedê çareserkerdişê meseleya kurdan û qedînayîşê prosesê pêkewtişî îradeyêko xurt vejîya werte. Eşkerayîya heyetê DEM Partî ra yeno famkerdene semedê çareserîye îredayêko xurt vejîyayo meydan. Seba ke proses heta na merhale ame ma nê pozîtîf vînenî. Semedê çareserkerdişê meseleya kurdan û qedîyayîşê prosesê pêkewtişî paştdayîşê partîyanê sîyasîyan û rêxistinanê komelê sîvîlî muhîm o. 8Ma zî paştî danê nê îradeyî.

Rayber Apo hetê dewlete ra sey muxatabî ameyo vînayene. Fîkr û pêşnîyazê Rayber Apoyî yê semedê çareserkerdişê meseleya kurdan, qedînayîşê prosesê pêkewtişî, demokratîkbîyayîşê Tirkîya warê sîyasetî de ameyî muneqeşekerene û paştî dîyaye ci. No averşîyayîşêko tarîxî yo. Azadîya fîzîkîye ya Rayber Apoyî, çareserkerdişê meseleya kurdan, demokratîkbîyayîşê Tirkîya û Rojhelatê Mîyanênî do bibo qewimîyayîşo tewr muhîm û stratejîk ê seserra ma.

Ganî sere de hêzê şorişgêrî û demokratî her kes paştî bido nê prosesî ke Rayber Apo cehd keno ke aver bêro. Sere de CHP ganî muxalefetê Tirkîya zî wayîr prosesî bivejo. Eşkerayîya DEM Partî ra yeno famkerdene ke tewirê muxalefetî pozîtîf o. Xora Rayber Apoyî bale antebî muhîmîya rolê muxalefetî ser. Nê averşîyayîşê tarîxîyî netîceya Hemleya Azadîye ya Global a. Ganî semedê serkewtişê hemle xebatî bêrê xurtkerdene. Ma reyna veng danê şarê xo, dostan  û heme hêzanê şorişgêr û demokratîkî. Reyna hêzê demokrasîyî û têgêrayîşê çep-sosyalîstî ganî berpirsîyarîya xo ya tarîxî bîyarî ca û paştî bidê prosesî.''