QSDyî eşkera kerd ke Meclîsê Leşkerî yê Minbicî çarçewaya xopawitişê meşrûyî de cewab dano hêrişanê çeteyan û da dazanayene ke pêkewtişan de bi desan çeteyî ameyî kiştene û xeylê wesayîtê leşkerî ameyî îmhakerdene.

Eşkerayîya QSDyî de nê ameyî vatene: ''Dewleta tirke û çeteyanê ci ewro serê sibayî hêrişê dewa Qebir Îmoyî yê rojhelatê Minbicî kerd. Bi cewabdayîşê hêzanê ma herême de pêkewtişê giranî qewimîyayî.

Hêzanê ma yê herêma Qereqozaxî wesayîtêkê dewleta tirke û çeteyanê ci teqna. Wesayît de di çeteyî ameyî kiştene. Badê na çalakîye droneyêko çekdar ê dewleta tirke herêma Çatrayîrê Sirînî da bombayan ver.

Cepheyê Awbendê Tişrînî de zî dewanê Mihşiyet El Tewahîn û Xirbe Tiwênî yê qezaya Ebû Qelyetî ya Minbicî de mabênê çeteya û hêzanê ma de pêkewtişê giranî qewimîyayî. Pêkewtişan de bi desan çeteyî ameyî kiştene û birîndar bîyî. Hêzanê ma dest na 2 tanq û obusan ser ke  çeteyan caverdayî û remayî. Panzerêko bi tîpê BMByî û di wesayîtê doçkabarkerdeyî zî ameyî îmhakerdene.''

Hetê bînî ra Meclîsê Leşkerî yê Til Temirî vakurê bajarî de droneyêko çekdar ê dewleta tirke da war.