Merkezê Çapemenîye yê QSDyî derheqê hêrişanê dewleta tirke û çeteyanê ci de eşkerayîye daye û nê pare kerdî:

Hêrişê dewleta tirke yê wehşîye yî vera şarê ma dewam kenê. Şervananê ma vera nê hêrişan vizêr (sêşeme) vera baregehê artêşa tirke û çeteyanê ci yo ke qilê Qereqozaxî de yo, çalakîye kerde. Çalakîye de xeylê çeteyî birîndar bîyî la hûmara înan zelal nêbîye.

Teyarayanê şerî yê dewleta tirke dormeyê Pirdê Qereqozaxî de dewê Tina, Xeseq ve Girê Sêvê dayî bombayan ver. Bi hewayêkê hemwextî dewê Tina, Cade, Bir Hiso, Xeseq, Dikan, Melha, Sinaa, Sevê  û qilê Qereqozaxî bi desan reyî bi topan,tanqan, roketan û havanan dîyayî bombayan ver. Netîceya bombardumanan de malê şarî xesar dî

Dewleta tirke ya îşxalkere û çeteyanê ci heta serê sibayî Awbendê Tişrînî da bombayan ver. Droneyanê çekdaran da awbendî ro. Netîceya nê de xesaro madî ame meydan.

Tayrayanê şerî yê tewleta tirke vizêr (seşemê)  bajarekê  Şiyûxa yê Kobanê  û dewa  ci ya Ehmed Munirî dayî bombayan ver. Fuzeyo ke teyara ra ame eştene warê zîretî de gina war û zerarêk nêda. Herême de gêrayîşê droneyanê çekdaran dewam kerd. Dormeyê Eyn Îsa zî teyarayê şerî û yê dewleta tirke gêrayî.''