Eşyar Moral serra 1991î de dewa Aqroyî ya qezaya Licê ya Amedî de dadîya xo ra bi û Licê de beno pîl. Dima tedayan ra keyeyê Eşyarî neçare maneno ke koçê Mersînî bibo. Serra 2007î de Şîyar tewrê karanê ciwanan beno, 2009 de tepişîyeno û erzîyeno Zîndanê Pozanti.

Eşyar Pozanti de maruzê tedayan maneno û uca de pê çêrîya şehîdan beno pîlêr. Eşyar 2009 de pê hîsê qesasî tewrê têkoşînê koyan bi û nameyê xo kerd 'Şîyar.'

Şîyar verî şino Heftanîn, uca de perwerde vîneno û verê o narey dano Garzanî. Garzan de Şîyar û embazê ci Çekdar Amed pîya rayîrî ra şinê. Dima wirdî zî pê tecrubeyanê koyan şinê Kobanê. Şîyar hînî sûîkastkerêko serkewte bi. 

Şîyar xoverdayîşê Kobanê ser o bi nameyê 'Kobanê de Hêvîyê Nêqedîyayeyî' nuseno. Kitab de şîyar ca dano Heftanîn, Garzan, Çekdar Azad û xora Kobanê. 

Şehadetê Çekdar Amedî Şîyarî rê zaf tesîr keno û Şîyar seba qesasî reyna wazeno verê xo bido Amed. Çekdar Kobanê ra ver bi Amanosan keweno rayîr. 

Wexto ke çew vano 'Şîyar' verî hûyayîşê ci, moralê ci yeno vîrê merdiman. Goreyê Şîyarî moral tim hêvî bî. Ey vatêne: ''Ti çend bimoral bibî hende eşkenî bi hawayêkê hêvîdarî biewnî cuye ra.''

Ey kitabê xo de vatêne: ''Ez Şîyar Denîz, rayîrê hêvî de raywanêk û şerwanêk a. Ez game bi hame şîya. Ez ver bi koyan şîya, hêrikîyaya zerrîyan, mi bêmergîye tercîh kerde.''

Embaz Şîyar pa embazanê Cûdî Serhat, Delîl Teman, Brûsk Celeme, Garzan Dêrsimî, Rênas Mervanî 31ê adara 2018î de hêrişê hewayî yê dewleta tirke de Amanosan de şehîd bi û tewrê karwanê bêmergan bî. Ewro serrgêra 3. ya şehadetê înan a. Şima rê soz bo ke xeyalê şima do nêmcet nêmanê...