Rejîmê Îranî cezaya zîndanî ya 10 serran daye mamostaya kurdkî
Şaristanê Sine yê Rojhelatê Kurdîstanî de rejîmê Îranî cezaya zîndanî ya 10 serran daye mamostaya ziwanê kurdkî .
Komeleya Heqanê Merdiman ê Kurdîstanî pare kerd ke Mehkemeya Şorişî ya Îranî ya Sine pê îdîaya ke ''vera asayîşê neteweyî'' kar kerd cezaya zîndanî ya 10 serran daye mamostaya ziwanê kurdkî Zara Mihemed.
Zara Mihemeda 29 serre ya ke mamostatîya kurdkî kerdêne, sey aktîvîstêka haştîyane aver bîye. Zara Mihemed heman wextî de endama Heyetê Rayberdişî yê Meclîsê Nûjîne bîye. Zara 23ê gulana 2019î de sereştişê keyeyî de amebî tepiştene.
