Endamê Meclîsê HDP'yî yê Nasir Yagiz 99 rojî yo vera tecrîdkerdişê Rayberê Şarê Kurdî Abdullah Ocalanî temsîlkarîya HDP'yî ya Hewlêrî de grevê vêşanîye yê bêdem û bêagêrayîşî de yo. Vizêrî rewşa Yagizî bîbî girane û ame berdene bi nêweşxane û Yagizî tedawî qebûl nêkerdibi.

REWŞA WEŞÎYA CI HER KE ŞINA XIRABÊR BENA

Hewlêr de xoverdayîşê grevê vêşnayî gruba 50’ine dewr girewt. Temsîlkara HDP’yî ya Başûrê Kurdistanî Muzeyen Guneşe da zaneyene ke xoverdayoxê grevê vêşanîye rewşêka krîtîke de yê, ganî waştişê înan cade bêrê ca û vat ke seba çalakîyan ganî paştdayîş bêro dayene.

Guneşe bale ante serê rewşa Yagizî û vat “Yagizî êdî  nêeşkeno payan ser vindero, hetê dîyayîşî ra zehmetîye anceno û rîyê xerabbîyayîşê rîtmê zerrîye ra zerrîya ci zaf zeîf erzena. Yagizî şimitişê awe û awîyanê bînan de zehmetîye anceno û wexto ke şimeno zî reyna virêjeno. Reyna Yagiz qiseykerdişî de zî zehmetîye anceno.“