Rêxistina HDP’yî ya Çewlîgî  bi eşkerayîya çapemenîye tecrîd şermezar kerd û seba ke merdişê neweyî nêbê, veng da selahîyetdaran ke wezîfeyê xo ca de bîyarê ca.

Eşkerayîya çapemenîye Namzedê hemşaredarîye yê Çewlîgî Hîşyar Ozsoy û parlamentera HDPyî ya Mêrdînî Ebru Gunaye pîya daye. Hîşyar Ozsoyî ard ziwan ke îqtîdarê AKP-MHP’yî goreyê  qanûnê bingeyênî û qaydeyanê huqûqî têgêrayîş nêkenê û bi nê hawayî cehd kenê ke nê welatî îdarê bikerê.  Ozsoyî vat, “Ganî dewletê goreyê huqûqî  têgêrayîş bikera, HDP cuye û haştîya zereyî paweno. Merdimî seba ciwîyayîşê merdiman canê xo danê û Ayten Beçete ne verên a ne zî do peyêne biba. Seba ke merdişê neweyî nêbê ganî bileze game bêro eştene.” Parlamentera HDP’yî ya Mêrdînî Ebru Gunaye zî bale ante serê tecrîdî û vat, “Tecrîd sûcê merdimî yo, AKP sûc keno û qanûno bingeyên nas nêkeno.” Gunaye keye û merdimanê Beçete rê serweşîye waşte.