No tesîrê newera awanbîyayîşê gerîlayan ê xoverdayîşî yo. No nîşaneya qerardarîya şorişî, nîşaneya ruhê hêrişê serkewtişî ya.

Gerîlayî pê newebîyayîşî ser kewtî, ser kewenê. Westeyê şerî vanê: ''Heta ke dişmenî binkewtiş qebul nêkerd şima ser nêkewtî.' Lîderê welatêkî esto ke çimeyê ci gonîye ra kor bi û vato 'heyf ke ma ser nêkewtî.' No vate vateyê aqlê nikayênî yê Hîtlerî yo, vateyê Erdoganî yo ke şerê 3 rojan ra dima ke Şoreş Beytuşebap û panc embazanê ci vera artêşa îşxalkere şer kerd ame vilakerdene. Îşxalkerê ke vejîyenê serê sehne ne eşkayî abigêrê ne zî eşkayî weş bixelisê. Gelo no fermanê mergî yo? Yan zî xîretê seba vilakerdişê şerî yo? No wayîrvejîyayîşê seba azadîya welatê xo bi.

Wa medyaya tirke vaja 'gerîlayî nêeşkenê têbigêrê, nêeşkenê cayê xo ra vejîyê, xora hînî pêro teslîm benê.' Wexto ke nê vateyî vila bîyayêne kuçeyanê Amedî de şewe beriqîyayêne. Şorivekaranê CNN Turkî  wasfê polîtîkayanê dewleta tirke dayêne û pawitêne ke artêşa tirke Herêmanê Pawitişî yê Medya de ser bikewa. La a hele ambulansan verê xo da Meydanê Teyarayan ê Amedî. Wexto ke Hulusî Akarî welatêkê bînî kolonyal kerdêne, Mamreşo de fermandaranê gerîlayan Serhed, Sarya û embazanê ci destanî nuştêne. Gerîlayan ser bazan Girê Pîramît de xo ver da, da îşxalkeran ro, dest na çekanê îşxalkeran ser.

Metîna de, warê Derarê de gerîlayan bi çêrî xo verda mîyanê kozikanê îşxalkeran, înan ser ra çekî girewtî. Wa kanalê dewleta tirke ya îşxalkere pê vateyê 'teyatayanê kaxitinan' xo rê xeberan bikerê.

Tarîx narey qerardarîya îradeyê bêhempayî ya şerwanan nuseno.