Şaristan û qezayanê Rojakewtena Kurdistanî de bi hezaran hemwelatijî seba protestokerdişê hêrişanê îşxalkarîya dewleta Tirkî yê serê Vakur û Rojakewtena Sûrîye vejîyayê meydanan.

Şarê şaristanê Ûrmîye, Şino, Mehabad û Pîranşarê verba îşxalkarîya dewleta Tirkî vejîyayê meydanan. Çalakîyan de bêmabên slogana "Wa Biciwîyo Xoverdayîşê Rojawanî, faşîst Erdogan, bimiro Erdogan" ameye vatene. Rayraşîyayîşan de şarî paştdayîşê xo bi xoverdayîşî rê ard ziwan û hêrişê dewleta Tirkî şermezar kerdî. Bi heman armancî şarî şaristananê Kirmanşan, Şabad, Ciwanrû, Pawe û Salasa Bawecanî de vejîyayê meydanan. Rayraşîyayîşan de slogana "Rojawan û Rojakewtena Kurdistanî yew a, wa biciwîyo Rojawan" ameye vatene. Şaristanê Îlamî de zî bi seyan hemwelatijî verba îşxalkarîye vejîyayê meydanan û hêrsê xo yê verba îşxalkarîye mojnayê. Rayraşîyayîş de bêmabên slogana "Rojawan têna nîyo, wa biciwîyo xoverdayîşê Rojawanî" ameye vatene.

Paytextê Îranî Tehran de zî Kurdistanijî verba îşxalkarîye dewleta Tirkî çalakîyî kerdî. Çakalgerî verê Balyozxaneyê Tirkîya kom bîyî û nêrazîbîyayîşê xo mojnayî.