Eyaletê Kirmaşanî yê Rojhelatê Kurdîstanî de bajarekê Newsûdê yê qezaya Pavehî de bînayêka hîrêqate rijîyaye. Netîceya serebûtî de 2 kesan dinyaya xo bedilnaye.

Vervatoxê Servîsê Lezabezî yê Neteweyî Mucaba Halîdîyî televîzyonê dewlete yê Îranî de qisey kerd û vat: ''Heta nika 2 kesan dinyaya xo bedilnaye, çar kesî birîndar bîyî û yew kes zî vînîbîyaye yo.''

Walîyê Pavehî Ardeşîr Rustemîyî zî vat ke bîna teqayîşê gazî ra rijîyaya.

23ê gulane de şaristanê Abadanî yê eyaletê Xuzistanî yê Îranî de bînaya desqate rijîyabî û 43 kesan tede dinyaya xo bedilnabî.