Muxabîrê Ozgur Gundemî yê Buroyê Amedî Hafiz Akdemîr 8ê hezîrana 1992î de Sûr de wexto ke keyeyê xo ra vejîyayêne netîceya hêrişê bi çekan de amebi qetilkerdene. Kuçeyî rê dima nameyê Akdemîrî dîyabi.

Komeleya Rojnamegeran a Dîcle-Firatî (DFG) kuçe de Akdemîr yad kerd. Hemserekê DFGyî Serdar Altanî aktîvîteya yakderdişî de qisey kerd û pare kerd ke Akdemîr semedo ke raştîye nuştêne ame hedefkerdene. Altanî da zanayene ke Akdemîr tim maruzê gef û şantajan bi.

Veysî Polato ke qextê qirkerdişî de hetê Akdemîrî de bi vat: ''Ez şahîdê serebûtî bîya la çewî semedê mehkeme venga mi nêda. Ewro kiştoxê Akdemîrî serbest ê. A serran de na herême de zaf cînayetî ameyî kerdene û nê cînayetan de çekê ke Mehmet Agarî ardbî şuxilîyayî. Hema zî ma yenê gefwerdene. La Akdemîrî qelema xo nêrote, nêşikite. Ma zî nêverdê qelema ci bikewa war.''

Dima cayê qirkerdişî de qeranfîlî ronîyayî.