Edîtorê Rojnewsî Silêman Ehmed 25ê teşrîna verêne de Berê Sînorî yê Sêmalka de hetê PDKyî ra amebi remnayene û tira xeberêke nêna girewtene.

Rojnamegeranê Kampa Multecîyan a Şehîd Rûstem Cûdîyî ya Mexmûrî eşkerayîyêka çapemenîye daye û waşt ke Ehmed vera bidîyo. Eşkerayîye de ame vîrvistene ke PDKyî îtîraf kerdo ke înan Ehmed remnayo la derheqê aqîbetê ey de agahîyêke nêdaya.

Rojnamegeran vat: ''Kerdişê PDKyî goreuê qanûnan nîyo. Ma nê zûranê PDKyî ne zî bêvengîya hukmatê Iraqî qebul kenê. Ma venga hukmatê Iraqî danê ke erk û mesuldarîyanê xo bîyaro ca, cade seba veradîyayîşê Ehmedî têbigêro.''