Amed de çerçewa tehqîqatêkî de 8ê hezîrane de, 20ê ci rojnamegerî 21 kesî ameybî destbendkerdene û dima keso bîn zî ame destbendkerdene. Seba ke dosya ser o bira nimitişî est a, nêzanîyeno ke rojnameger û avûkatî çira yenê sûcdarkerdene.

22 kesî 6 rojî yo Mudirîya Asayîşî ya Amedî de, hucreyê yewkesî de tepişîyenê. Wextê înan ê nezaretî zî heta 16ê hezîrane ame dergkerdene.

Nameyê 22 kesanê destbendkerdeyan wina yê: Hemserekê Komeleya Rojnamegeran a Dîcle Firatî (DFG) Serdar Altun, Mudirê Karanê Nuşteyan ê Rojnameyê Xwebûnî Mehmet Alî Ertaş, Mudira Jinnewsî Safîye Alagaş, Edîtora Jinnewsî Gulşene Koçuk, Edîtorê Ajansê Mezopotamya (MA) Azîz Oruç, rojnameger Omer Çelîk, Suat Doguhan, Ramazan Gecîken, Esmer Tunç, Neşe Toprak, Zeynel Abîdîn Bûlût, Mazlum Dogan Guler, Mehmet Şahîn, Elîf Ungur, Îbrahîm Koyuncu, Remzîye Temel, Mehmet Yalçin, Abdurrahman Oncu, Lezgîn Akdenîz, Kadîr Bayram, Feynaz Koçuk û Îhsan Ergulen."