Edîtorê Servîsê Erebkî yê Rojnewsî Suleyman Ahmeto ke hetê hêzanê PDKyî ra ame remnayene, tira xebere nîna girewtene. Dayîka Ahmetî aqibetê lajê xo persena.

Dayîke Sultane Ehmed vat, "Lajê mi ame hewteyêk cayê ma de mend. 25ê teşrîna verêne seba ke Rojawan ra agêro Başûrê Kurdîstanî şi Berê Sînorî yê Sêmelka yo ke binê kontrole PDKyî de yo. A roje ra nata ma tira xebere nêgirewte."

Dayîke Sultane Ehmed ard ziwan ke lajê ci hetê PDKyî ra ameyo remnayene û veng da heme berpirsîyaranê Başûrê Kurdîstanî ke wa aqibetê lajê ci eşkera bikerê.

Hetê bînî ra Sendîkaya Rojnamegeran ê Iraqî aqibetê Suleyman Ahmetî persa û vengda selahîyetdaran ke wa helêke cuwa ver rewşe eşkera bikerê.