Endama Heyetê Rayberdişî yê Têgêrayîşê Azadîye Ronake Mecîd heyetê Iraqî reyde şîye Goristanê Şehîdan ê Koyê Şingalî zîyaret kerd. Ronake Mecîd derheqê zîyaretî de qisey kerd.

Ronake Mecîd pare kerd ke komelê êzidîyan eşkeno pê hêzanê xo, xo bipawo. Ronake vat: ''Sere de dewleta tirke ya îşxalkere û PDK hêzê kolonyalîstî felsefe û bawerîya êzidîyan ra tersenê. Coka tim ê plananê cîya-cîyayan kenê. Komelê ma pê bawerî û gonîya şehîdan rêxistinîya xo awan kerde. Ma eşkenê xo îdare bikerê û bipawê.''

Ronake Mecîd venga pêro terefan da û vat: ''Ez venga kurdan dana ke wa vera pêro hêrişan bibê yew. Başûrê Kurdîstanî de sîstemê nikayênî de krîz û nakokîyî estê, şar xizan o. Şingal aramî û haştîye temsîl keno. Wa îdareyê Başûrî zî Şingal xo rê bikero nûmune. Ma venga pêro hetanê sîyasîyan ê Başûrî bi taybetî venga PDKyî danê ke wa tewirê xo yê bêbextî ra abigêrê. Wa hêzê sîyasî yê bînî zî paştî bidê komelê êzidîyan. Seba şiknayîşê dişmenî yewîye şert a.''