Mazgêrd: Qereqolan ra wendişê ezanî polîtîkaya asîmîlasyonî ya

Dewa Muxundî ya Mazgêrdî ra dima dewanê Germîsî, Dirban û Faracî de zî qereqolan ra ezan yeno wendene. Dewijan vera mesele nêrazîbîyayîşê xo mojna û vat: ''No dewamê polîtîkaya asîmîlasyonî yo.''

Dewa Muxundî ya qezaya Mazgêrdî ya Dêrsimî ra dima dewanê Germîsî, Dirban û Faracî yê qezaya Mazgêrdî yê Dêrsimî de zî qereqolan ra ezan yeno wendene. Dewijan vera mesele nêrazîbîyayîşê xo mojna.

Dewijan da zanayene ke dewê înan dewê elewîyan ê û bi nê hawayî dewlete wazena înan asîmîle bikera.

Dewijanê ke  vat: ''Ma pêro pê nê kerdişî qayîl nîyê. Dêrsim de polîtîkaya asîmîlasyonî yena caardene. Ma vera ezanî nîyê ka dewanê ma de wa ezan nêro wendene. Cuntaya 12ê Êlule ra dima dewlete Dêrsim de dest pê viraştişê camîyan kerd. Nê camîyî nêşuxilîyenê. La nika zî ê qereqolan ra ezan wanenê. Dewlete kena ke elewîyan teslîm bigêra. Ma wazenê komîsyonêk awan bikerê û derheqê mesele de walîtîye reyde qisey bikerê. Ma do vera naye bêveng nêmanê.''