Tîma Qesasî ya Şehîde Cûdî Faraşîn a YPS-JIN qezaya Elbakî ya Wanî de bi fîşekanê hewayî vizêr 15ê Tebaxe fîraz kerd û derheqê babete de eşkerayîyêke daye.

Eşkerayîye wina ya: ''Ma çarçewa mesuldarîyanê xo de wayîrê Hemleya 15ê Tebaxe vejîyenê. Bi nê hawayî vera rejîmê faşîstî têkoşînêkê hewceyî kenê, ziwan, nasname û erjanê şarê kurdî pawenê û qetî vera tedaya rejîmê faşîstî milê xo çewt nêkenê. Rejîmê faşîstî estbîyayîşê xo çinbîyayîşê şarê kurdî ser o nayo ro. Seba têkoşînê vera rejîmê faşîstî ganî şarê ma xo rêxistin bikero û mîyanê xoverdayîşê xoîdarekerdişî de ca bigêro.''