Baskin Oran, Meleke Ulagay, Orhan Alkaya û Gençay Gursoy bi wesîleya 1ê êlule Roja Haştîye ya Dinya ANFyî reyde qisey kerd.

Prof. Dr. Baskin Oranî vat: ''Îqtîdarê AKP-MHPyî têna di partîyan ra nê Ergenekon û 'netewegîran' ra zî yeno meydan û nê terefî dişmenîya vera kurdan û neteperwerîye ser o yenê pêser. HDP Meclîs de wazeno haştîye bîyaro ca la her hetî ra verê HDPyî yeno girewtene. ''

Nuştox û dîrektore Meleke Ulagay vat: ''Tirkîya, Sûrîye û Lubnan de şerê zereyî ra hêrişê giranî estê.  Tewr zaf şarê sivîlî nê hêrişan ra zerar vînenê. Hînî şerî têna mabênê artêşan de nîyê. Bedelê ci yo tewr gird zî şarê Rojhelatê Mîyanênî danê.''

Prof. Dr. Gençay Gursoyî zî vat: ''Ma meseleya kurdan ser o sendromêk de yê. Ma venga hukmatî danê ke vera polîtîkayanê şerî vengê xo vejê. Ganî muxalefet tay madeyanê hemparan ser o bêro têhet, platformê haştî û demokrasîyî awan bikero.''

Hunermend Orhan Alkayayî vat: ''Şer 40 serran ra nata dewam keno. Îqtîdar bi vatişê 'neteperwerîye' şar îstîsmar keno. Muxalafet zî paştî dano naye. Ganî muxalefet warî nêtêrikno û vatişanê pozîtîfan bîyaro ziwan.''