SADATo ke sey JÎTEMê AKPyî şinasîyeno û pê sewqîyatê çekan ê ver bi cerganê sey DAÎŞî rojdem de yo, Wan de bi nameyê rêxistinanê komelê sivîlî karî keno.

Wan de ke 900 rojî yo dewlete tede pêro çalakî û aktîvîteyan qedexe keno, bi nameyê 'Platformê Fikrî yê Wanî' SADAT serê karî de yo. Reyna Komeleya Kardelen a Cinîyan a Wanî de komeleyanê SADATî ra yew a. Fînansoro tewr pîl ê SADATî zî Merkezê Averberdiş û Karan (ÎŞGEM) o.

SADAT Wan de bi nameyê 'Înîsîyatîfê Paştdayîşê Sivîlî yê Wanî' têgêreno. Na rêxistinîye 54 komeleyan ra yena pê, fînansmanê ci zî hetê TURGAVî ra yena kerdene. Mehmet Emîn Akano ke Serekê Înîsîyatîfê Paştdayîşê Sivîlî yê Wanî yo û endamê înîsîytîfî tim zîyaretê walîyan keno.

Îdarekarê AKPyî yê Wanî Sînan Başak zî Wan de karanê SADATî îdare keno. Başak heman wextî de Hetkarê Serekê Platformê Fikrî yê Wanî yo. Wan de qedexeyê aktîvîte û çalakîyan zî hetê SADATî ra 6 serrî yoo yeno dergkerdene la komele û dezgehê SADATî şaristan de aktîvîte û çalakîyanê xo kenê.

SADATî 'Festîvala Ciwanan a Wanî' zî bi bahaneya 'bêexlaqî ya' pê destê komeleyanê xo asteng kerde. SADATî 5 serranê peyênan de bi desan reyî walîyê Wanî Îbrahîm Taşyapan, Mûrat Zorlûoglû û M. Emîn Bîlmez zîyaret kerdî û derheqê karanê ke ganî bêrê kerdene de hişyarîye daye înan.