Hemserekê Pêroyî yê HDPyî Mîthat Sancarî Newroza Amedî de qisey kerd.

Sancarî verî Newroza her kesî fîraz kerde û paştî daye xoverdayîşê Wekîl Omer Faruk Gergerlîogluyî.

Sancarî pare kerd ke vera înan teda û hêrişê pîlî estê la ê do sey her wextî vera nê kerdişan xo ver bidê.

Sancarî vat: ''Wekilîya Gergerlîogluyî bi hawayêkê neheqî ameye betalkerdene. Ê nêeşkenê sîyasetê HDPyî çin bikerê. Serdozgerê Qesre derheqê HDPyî de dewaya qefilnayîşî akerde. Şima HDP zî biqefilnê nêeşkenê verê şarî bigêrê. Waştişê HDPyî waştişê demokratîk ê. Bêrê ma pîya têkoşîn bikerê. Birêz Abdullah Ocalanî 8 serrî verî Newroze de mektuba xo ya haştîye de çi vatbi ma ganî ê bîyarê vîrê xo.A mektube hema zî şarî ma rê hêvî ya. Ma ewro zî sey 8 serrî verî haştîye ser o vindenê. Azdîya kurdan Îmraliyî ra derbaz bena. Ganî kurdî yewîya xo xurtêr bikerê. Wa na Newroze biba yewîya neteweyîye. Rotaya HDPyî azadî ya. Ma do heta peynî edalet de israr bikerê Hînî şima ra çita yeno? Zîndanê şima, dozgerê şima, fen û fîtneyê lima pê ma nêeşkenê. Çunek ma hêz û hêvîya şarê xoverdayoxî yê. Xoverdayîş ciwîyayîş o. Newroze fîraz bo.''