Gerîlayanê HPGyî Çîyager Amed û Kamuran Amedî ANFyî rê qisey kerd û şehîdê Qirkerdişê Parisî Sakine Cansız (Sara), Leyla Şaylemez (Ronahî) û Fîdane Doğan (Rojbîne) yad kerdî.

Gerîla Çîyager Amedî vat: ''Embaze Sara têkoşînê ma de rolêko pîl kay kerd. Embaze Sara Zîndanê Dîyarbekîrî de vera îşkenceyanê Esat Oktayî xo ver da. A bi pratîk û teorîyanê xo xoverdayoxêke bîye. Embazê ma yê tunelanê şerî zî xoverdayîşê embaze Sara temsîl kenê. Embaze Sara taybetmendîya Dêrsimî ya serewedaritoxe girewta. A sey koyanê Dêrsimî bîye. Embaze Sara verê hêrişanê dişmenî de sereyê xo nêard war. Ma zî do sey embazanê aye ala serewedaritişî tim berz bikerê.''

Gerîlayê HPGyî Kamuran Amedî vat: ''Xêrê keda embaze Sara ra têkoşînê ma hende erjê pîlî afernayî. Xoverdayîşê aye seba kurdan zaf ercîyaye ya. Rayberîye zî zaf qîmet dayêne embaze Sara. Embaze Sara serkêşa ma pêroyînan a. Ma do qetî embaze Sara xo vîr a nêkerê û têkoşînê aye rê bi xurtî dewam bikerê.''