Bi xeberêka ANFyî menga vîyarte de eşkera bibi ke qezaya Bismilî ya Amedî de binê qereqolêkî de gorê komkîyî est ê. Naye ser o karê rijnayîşî vindert û beton erzîya warî.

Goreyê agahîyan karkerê ke karê rijnayîşî kerdêne, înan esteyê merdiman dîyî û teslîmê Mudirîya Bexçe û Parkan a Şaredarîye kerd. 

Tay kesî qeyûmê Bismilî ra persayî ke esteyî se bîyo esteyan la agahîyêke nêdîyaye çewî. Şahîdêko ke nêwaşt nameyê xo eşkera bikero pare kerd ke Mudirîya Bexçe û Parkan a Şaredarîye esteyî zereyê kartonêkî de teslîmê malayê şaredarîye kerdo û malayî zî esteyî bi hawayêkê nimitkî cayêk de defin kerdî.

Şahîdî vanê esteyî beno ke aîdê ê merdimanê ke serranê 90an de bi hawayêkê 'nedîyarî' ameybî qetilkerdene. Esteyî pare teslîmê Mudirîya Baxçe û Parkan a Şaredarîya Bismilî ameybî kerdene.

Goreyê agahîyan Şaredarîye rewşe Dozgerîya Komare ya Bismilî rê vate, bi bira dozgerîye malayê şaredarîye fermanêk erşawîya. Amer parekerdene ke 75 esteyî zereyê sindoqêke de ameyî cakerene, teslîmê malayî ameyî kerdene û bi nê hawayî Goristanê Akpinarî de bi hawayêkê komkî ameyî definkerdene.

Labelê hema zî nêzanîyeno ke esteyî aîdê çend kesan ê. Nuşteyo ke erşawîyayo malayî, têna qala 75 parçeyanê esteyan ameyêne kerdene.

Fotografê gorê komkî erşawîyayî ANFyî. Fotografan de dîyeno ke kerrayê bênameyî asenê.