Zîndanê ke nê 18 serran de virazîyayê û hê virazîyenê, polîtîkaya îqtîdarê AKP-MHPyî ya vera kurdan û hêzanê muxalîfan mojnenê.

Mudirê Dezgehanê Ceza û Tepiştişî Şaban Yilmazî 31ê teşrîna verêna 2018î de Komîsyonê Heqanê Merdiman reyde pare kerd ke hûmara tepişteyan 258 hezar û 660 kesî ya. La goreyê rêxistinanê komelê sivîlî hûmaraya raştikêne zêdêr a. Tirkîya de hûmara zîndanan 1ê temmuza 2020î de resaye 445. Kapasîteya nê zîndanan zî 236 hezar û 755 a. Tay zîndanî zî hê virazîyenê. Bi nê hawayî kapasîteya zîndanan do biresa 800 hezar. No zî yena a mana ke 100 kesî ra yew kes do bêro tepiştene.

Goreyê keyepelê dezgehê Wezaretê Edaletî yê bi nameyê CTE heta 1ê temmuza 2020î  Vakurê Kurdîstanî de 87 zîndanî estbî. 

Hûmara û tîpê nê zîndanan wina yê:

-7 Zîndanê Biasayîşî yê Berzî (Dîlok Tîpê H, Erizrom Tîpê H, Amed Tîpê D, Xarpêt Humara 1., Xarpêt Hûmara 2, Wan Tîpê F û Wan Biasayîşo Berz)

-51 Zîndanê Girewteyî

-Zîndanêko Girewte yê Doman û Ciwanan (Amed)

-2 Zîndanê Cinîyan (Amed, Xarpêt)

-6 Zîndanê Girewteyî yê bi Tîpê A (Dîlok Nîzîp, Riha Wêranşar, Dersim, Erzîrom Xinûs, Agirî Bazid, Wan Erdîş)

-Zîndanêko Girewte yê bi Tîpê B (Îdir)

-11 Zîndanê Girewteyî yê bi Tîpê E  (Dîlok, Semsûr, Amed, Riha, Mêrdîn, Sêrt, Xarpêt, Erzîrom, Meletî, Mûş, Bedlîs)

-5 Zîndanê Girewteyî yê bi Tîpê K (Dîlok, Araban Semsûr Golbaşi, Xarpêt Dep, Xarpêt Keban, Erzîrom Xorasan)

-3 Zîndanê Girewteyî yê bi Tîpê L (Dîlok, Kîlîs, Agirî Patnos)

-5 Zîndanê Girewteyî yê bi Tîpê M  (Mêrdîn Mîdyat, Êlih, Çewlik, Agirî, Wan)

-15 Zîndanê Girewteyî yê bi Tîpê T ( Dîlok Îslahiye, Dîlok Nîzîp, Riha Hûmara 1, Riha Hûmara 2, Riha Sêwereg, Amed Hûmara 1, Amed Hûmara 2, Şirnex, Xarpêt, Erzîngan, Erzîrom Oltû, Erdexan, Qers, Agirî, Bazîd, Wan)

-Zîndanê Girewteyî  (Agirî, Colemêrg)

-28 Zîndanê Akerdeyî

-9 Zîndanê Akerdeyî yê nê zîndanan  (Îslahiye, Nîzîp, Kîlîs, Mîdyat, Şirnex, Erzîngan, Çewlîg, Erdexan, Agirî)

-19 Zîndanê Akerdeyî  (Dîlok, Şehîtkamîl, Semsûr, Riha, Kaniya Xezalan, Sêwereg, Amed, Sêrt, Meletî Doganşehîr, Xarpêt Sîvrîce, Xarpêt Zîndanê Kampusî, Erzîrom, Erzîrom Dûmlû, Erzîrom Narman, Bedlîs, Qers, Patnos, Bazîd, Wan, Wan Erdîş) û Keyeyê Perwerdeyî yê Domanan ê Xarpêtî
 

-Vakurê Kurdîstanî de Xarpêt û Amed de kampusî zî estê.