Deweka Libka Kanîya ya dewa Derêca ya qezaya Kerboranî ya Mêrdînî de 28ê gulane de şikefteyêk de bi hawayêkê komkî xeylêk esteyê merdiman ameybî dîyene. Cigêrayîşê Serdozgerîya Komare ya Kerboranî ra dima amebi parekerdene ke esteyî aîdê 40 kesan ê û înan esteyî seba DNA erşawitî Îstanbul.

Tay merdimê vînbîyayeyanê dîyayîşê esteyan ra dima têgêrayî û înan seba testê DNA muracat kerd. Yeno pawitene ke di rojan ra dima seba numûneyê DNA raste rast Serdozgerîya Komare ya Kerboranî ra zî do muracat bikerê. Avûkatê Dewaya JÎTEMî ya Kerboranî ya ke Mehkemeya Semsûrî de yena kerdene, zî têgêrayî û seba testê DNA yê keyeyan muracat kerd.