Keyeyê Îbrahîm Çelîkî (Mahîr Andok), definkerdişê cenaza ra 40 roje dima keyeyê xo de mewlûd da. Endamê MEBYA-DERî û hemwelatîyî beşdarê mewlûdî bîyî. Dima mewlûd ame wendene û keyeyî werd da meymanan.

Şerê 3ê hezîrane de Licê de şer vejîyabi. Şerî de endamê HPGyî Îbrahîm Çelîk (Mahîr Andok), Abdullah Tûrhan (Rêber Amed), Omer Demîr (Serhildan Mazî) û Yûsûf Kayran (Zinar Akro) şehîd bibî. Keyeyan 44 rojî ra dima herêma operasyonî ra cenazeyî girewtibî. Keyeyî dima cenazeyî berdî Nêweşxaneyê Cigêrayîşî û Perwerdeyî yê Gazî Yaşargîlî yê Amedî û seba testê DNAyî gonîye daye. Cenazeyî tîya ra ameyî erşawitene Dezgehê Tipa Edlî yê Îstanbulî. Dima ke testê DNAyî eşkera bîyî, 27ê êlule de cenazeyî bi teyarayanê kargoyî ameyî erşawitene Amedî.

Cenazeyî 28ê êlule de herinda keyeyan de amebî erşawitene Morgê Nêweşxaneyê Gazî Yaşargîlî. Dima keyeyan cenazeyê Omer Demîrî (Serhildan Mazî) û Yûsûf Kayranî (Zinar Akro),  Îbrahîm Çelîkî (Mahîr Andok) û Abdullah Tûrhanî (Rêber Amed) 1ê teşrîna verêne de defin kerdî.