Qezaya Pazarcixî ya Gumgumî de 4 kesê ke 30ê hazîrane de ameyî destbendkerdene, ameyî tepiştene.  Amed de zî 2 kesî ameyî destbendkerdene.

Qezaya Pazarcixî ya Gumgumî de sereştişê keyeyan de Hemserekê HDPyî yê Pazarcixî Naci Kiziler, hemsereko verên Murat Guvenç, îdarekarê partîye Îbrahîm Ganîdagli û Mesut Gozlugol yê ke  30ê hazîrane de ameyî destbendkerdene, seba  ke  çarçeweya Kampanyaya Keyeyê Wayûbirayî ya HDPyî de paştî daya xebatanê Federesyonê Komeleyanê Demokratîkan ê Mereşî (MARDEF) ameyî tepiştene.

Qezaya Licê ya Amedî de zî vizêr polîsan taxanê Şaar û Kelvanî de eşt keyeyan ser. Sereştiş de  Hebat Saçal û Serdar Canpolat ameyî destbendkerdene.