Zana û Mizgîne Cengê Heftanînî de di gerîlayê rindî bîyî. Kes şer de pê nê wird gerîlayan nêeşkîyayêne. Wird gerîlayî zî binê bombardumanê obus û hawanan de zî Pîrbûla de nêvindertêne. Destpêkê Cengê Heftanînî ra heta roja şehadetî şîyî verê dişmenî. 

Gerîla Mizgîne gerîlaya YJA-Starî û Zana zî gerîlayê HPGyî bîyî. La rayîrê azadîye de bîyî yew.

Wirdî zî heman şaristanî de Wan de dadîya xo ra bîyî, kuçeyanê cîyayan de kay kerd. Seba ke hîşmendîya vera kurdayetîye çin bikerê xo resna heman koyî û Heftanîn de mil bi milî şer kerd.

Gerîla Mizgîn Zerya û gerîla Zana Gewaş, 20ê tebaxe de wexto ke îşxalkeran hêrişê Pîrbûla kerdêne qet nêvindertî û heta fîşekanê xo yê peyênan şer kerd. Gerîla Mizgîn Zerya û Zana Gewaşî tewrbîyayîşê karwanê bêmergan sey fermanêk dî. Înan no ferman ard ca. 20ê tabaxe de seba ke newe ra zîl bidê raşîyayî erdî.