Komîteya Amadekarîye ya Newroze ya Dêrsimî muracatê walîtîye kerd ke 21ê adare de saete 11.00 de şayîya Newroze bikera. La walîtîye bi bahaneya Korona têna seba eşkrayîya çapemenîye destûr da. Şayîye de hunermendî do tewr nêbê, aktîvîteyê sey konser, pankart û sloganî zî do qedexe bibê.

Wekîlê HDPyî yê Dêrsimî Alîcan Onlu, Endamê HDP MYKyî Velî Saçilik, Sultan Ozcan, Partîya Kede (EMEP), Şaredarê Dêrsimî Fatîh Mehmet Maçoglu do tewrê eşkerayîye binê. Komîteya Amadekarîye ya Newroze derheqê babete de bînaya HDPyî ya Dêrsimî de qisey kerd.

Endamê Komîte Îbrahîm Kasunî vat: ''Her ca de serbest o la Dêrsim de şayîye qedexe ya. Reyna zî ma do Dêrsim de şayîyêka pîle bikerê. Ma venga pêro dêrsimijan danê ke bêrê ma Newroze vera zulmê îqtîdarî bikerê roja xoverdayîşî.''