Komîteya Amadekarîya Newroze ya Wanî rêxistina DEM Partî de eşkerayîye daye çapemenîye. Komîte venga pêro hemwelatîyan da ke 17ê adare de binê Kelaya Wanî de tewrê şayîya Newroze bibê.

Nameyê komîte ser o Avûkate Ebruye Demîrtepe qisey kerd û da zanayene ke emser ê Newroze bi şîarê ''Wurze we, wext wextê azadî û serkewtişî yo'' do fîraz bikerê. 

Demîrtepe pare kerd ke ê do Newroza emserîne bivurnê adirê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' û vat: ''Ma do meydananê Newroze de tecrîdî parçe bikerê û azadîya Birêz Abdullah Ocalanî bîyarê ca.

Ma do 17ê adare de Kelaya Wanî de Newroze fîraz bikerê. Ma venga pêro şarê ma danê ke bêrê bibê çeqê Newroze. Wext wextê ci yo ke ma tecrîdî bişiknê û Rayberîya xo de bi azadî biciwîyê. Wextê ci ameyo ke ma wayîrê ziwan, kultur û nasnameyê xo vejîyê.''