Seba protestoyanê Kobanê cezaya muebetî dîyaye 7 kesan
Cezaya muebetî dîyayî 7 kesanê ke tewrê çalakîyanê wayîrvejîyayîşê Kobanê bîyî.
Cezaya muebetî dîyayî 7 kesanê ke tewrê çalakîyanê wayîrvejîyayîşê Kobanê bîyî.
2014 de çeteyanê DAÎŞî hêrişê Kobanê kerd ke îşxal bikero. Vera nayî şar vejîya kuçeyan û wayîrê Kobanê vejîya. 7 kesê ke seba ke Dîlok de tewrê çalakîyan paştdayîşê Kobanê bîyî bi cezaya muebetî dîyaye înan.
Wextê çalakîyanê Kobanê yê 6-8ê teşrîna verêne de Dîlok de 5 kesî merdî û 42 kesî birîndar bîyî. derheqê nê protestoyan de 10 kesan rê dewayî ameyî akerdene. Mehkemeya Cezaya Giran a 2. ya Dîlokî de roniştişê qerarî ame kerdene. Derheqê 7 kesan de cezaya muebetî ameye dayene. Reyna hîrê sûcanê bîyan ra zî pêro pîya 3 serrî 6 mengî û 14 rojî ceza ameye dayene. Na dosyra ra kesêk tepişte nîyo. Têna Ayhan işik pîya bi avûkatê xo tewrê roniştişî bîyî. Derheqê 7 kesan de qerarê tepiştişî ame dayene. Ayhan Işiko ke tewrê mehkeme bi ame tepiştene û şawiya zîndan.
Nameyê kesanê ke ceza dîyaye înan wina yê: Ayhan, Îmam, Îbrahîm, Mehmet û Muhîttîn Işik, Mehmet Caymaz û Izzet Nas.
Eynî dosya ra derheqê N.U., A.L. û A. K. zî qerarê beraatî ame dayene.