Par seba seydîya 14 pezkovîyanê Çewlîgî destûr amebi dayene la nêrazîbîyayîşan ra dima îhaleyê seydîye amebi betalkerdene.

Reyna Wezaretê Zîret û Daristanan destûr da ke Çewlîg de 14 pezkovîyî bêrê seydkerdene.

Wekîlê HDPyî yê Çewlîgî Erdal Aydemîrî babete pê vernîyazêkê persî berde rojdemê Meclîsî. Aydemîrî pare kerd ke heta 31ê adara 2022î seba seydîya 22 pezkovîyan destûr ameye dayene. Aydemîrî vist vîrî ke par şarê Çewlîgî bi xurtî vera qirkerdişê pezkovîyan vejîya, kampanyayî kerdî.

Aydemîrî vernîyazê xo de nê persî Wezîrê Zîret û Daristanan Bekîr Pakdemîrî rê pers kerdî:

-Destûrê seydîye hetê kamî ra dîya?

-Wezaret do îhale betal bikero?

-Şima seba pawitişê nê heywanan do xebetan bikerê?