Înîsîyatîfê Ciwananê Başûrê Kurdîstanî vera alozîya Zînî Wertê pê şîarê ''Ma sena yewîya neteweyîye şinê'' do 16ê gulane de Ranya ra ver bi Zînî Wertê dest pê rayraşîyayîşê dergî bikero. Îdareyê Înîsîyatîfî ra Herdî Ehmedî ANFyî reyde qisey kerd.

Herdî Ehmedî vat: ''Alozîya Zînî Wertê ma qerqilnena û na rewşe nêra qebulkerdene. Pê na alozîye tehlukeyê şerê zereyî vejîya. Ma hol zanenê ke dewleta tirke wazena Başûrê Kurdîstanî îşxal bikera. Başûr de 105 rêxixtinan da zanayene ke ê şerê zereyî nêwazenê. Ganî bi taybetî ciwanî, şarê Başûrî vera na rewşe vinderê. Ma do 16ê gulane de vera na rewşe şorê.''

Xoverdayoxanê çalakîya grevê vêşanîye ra Mervan Memduh Ozdemîrî zî derheqê alozîya Zînî Wertê de vat: ''Zînî Wertê de rayberîya dewleta tirke de povokasyonêk esto. Tirkîya wazena Başûr îşxal bikero. Seba ke no provakasyon nêbo sebebê şerê zereyî ma sey ciwanan 16ê gulane de rayberîya ciwanan û cinîyan de Ranya ra ver bi Zînî Wertê şorê. Ganî cinî û ciwanî tewrê rayraşîyayîşê ma  bibê.''