Engîn Eroglû wexto ke heywanî xo çerênayêne otobuse dabi piro û kewtibi Çemê Munzurî û cuya xo vînî kerdebî. Tehqîqatê dewaya Erogûlûyî qedîya. Derheqê ramitox û muawînê otobuse de dewa ameye akerdene ke heta 25 serran ceza yena waştene.
Tehqîqatê dewaya Engîn Erogûlûyî qedîya. Derheqê ramitox û muawînê otobuse de dewa ameye akerdene ke heta 25 serran ceza yena waştene.
15ê hezîrane de Qezaya Pulurî ya Dêrsimî de Engîn Eroglû wexto ke heywanî xo çerênayêne otobuse dabi piro û kewtibi Çemê Munzurî û vîndî bibi.Cigêrayîşanê 19 rojan ra dima meyîtê Engîn Eroglûyî amebi dîyene. Tehqîqatê dawaye ame temamkerde. Tehqîqato ke hetê Serdozgerîya Komare ya Dêrsimî ra ame amadekerdene, îdîanameyê ci hetê Mehkemeya Cezaya Girane ya 2. ya Dêrsimî ra ame qebulkerdene. Îdîaname de derheqê ramitoxê otobuse Erdal Samoglû û muawînê ci Mesut Îçîyerî de seba ke 'îxmalî ra bîyê sebebê mergî' 10 ra heta 25 serran ceza yena waştene.
Baroyê Dêrsimî derheqê babete eşkerayîyêke daye. Eşkerayîye de dîya eşnawitene ke derheqê ramitox û muawîne otobose yê ke bîyî sebebê mergê Eroglûyî bi sûcê 'îxmalî ra cara merdimkiştişî' dewa ameye akerdene û derheqê înan de 10 ra heta 25 serran ceza yena waştene. Eşkerayîye de ame vatene ke dejê Eroglûyî qet çîyêk telafî nêkeno la Mehmekeya Cezaya Girane de akerdişê dewa girîn o.
Avûkat Bariş Yildirimî zî ard ziwan ke beno ke şikdarî biremê coka ganî ê tepişte bêrê hukmkerdene û vat ma mehkeme ra waş ke wa şikdarî bêrê tepiştene.
