Taxa 5ê Nîsane ya qezaya Rezanî ya Amedî de  wayîrê dikana manîfatura Îsa Budak (60) dikana xo de sey merde amebi dîyene. Cenazaya Budako ke goreyê îdîayan xo kişto, wedarîyaye morgê Nêweşxaneyê Selahattîn Eyyûbîyî. Cenazaya Budakî seba testê vîrusê Korona bi seatan ameye vindartene. Dima ke test negatîf vejîya ci rê otopsî ame kerdene. Cenazaya Budakî şewe ameye definkerdene.

Keyeyê Budakî û esnafan pare kerd ke sebeb çinbi ke Budak xo bikişo. Budak vizêr serê sibayî keyeyê xo ra vejîya, cinîya xo rê telefon kerd û dima zî dikane ra vengê çeke ameyo. Lajê Budakî Şehmus Budak wexto ke veng eşnawit ame dikane û meyîtê babîyê xo dî.