Amed de siba do semînerê kirdkî bêro kerdene
Şubeyê Amedî yê Egitim-Senî de siba bi wesîleya Roja Ziwanê Dayîke ya 21ê Sibate semînerêk do bêro serûberkerdene. Semîner de Malmîsanij, Denîz Gunduz û Saîme Xakpûç do qisey bikerê.
Şubeyê Amedî yê Egitim-Senî de hetê Esbtîtuyê Kurdkî yê Amedî ra siba bi wesîleya Roja Ziwanê Dayîke ya 21ê Sibate semînerêk do bêro serûberkerdene.
Semînero ke moderatorîya ci do Gulçîne Şanli bikera, Malmîsanij, Deniz Gunduz û Saîme Xakpûç do sey qiseykerdoxan tewrê ci bibê.
Cigêrayox û ziwannas M. Malmîsanij semîner do qala 'ver bi etîmolojîya kurdkî' bikero. Nuştox û weşanger Denîz Gunduz do qala 'ziwanêkî de standardîzasyonî' bikero. Nuştoxe û açarnayoxe Saîme Xakpûç zî do qala 'Vakur û Rojhelat de halê ziwanî û edebîyatî' bikera.
Semîner do şubeyê 1ine yê Egitim Senî de (Kalendar Plaza qat: 6) bêro kerdene û saete 11.00 de dest pêbikero û heta saeta 15.00 dewam bikero.
