Qezaya Serêkanîyê ya Riha de merdimêkî nêzdîyê erazîyê Mudirîya Pêroyî ya Karanê Zîretî (TÎGEM) de pêzê xo çarnayêne. Cendirmeyan û hêzanê TÎGEMî dest na meşnayanê mêrikî ser. Dewijêkî dîmenê serebûtî pê telefonê xo girewtî.

Dîmenî medyaya komelkî ser o weşanîyayî. Dîmenan de aseno ke asayîşê TÎGEMî dest nano meşnayan ser û mêrikî zî xîret keno ke cendirmeyan asteng bikero. Balkêş o cendirmeyan dewijo ke dîmenan gêno rê vano 'Ti sûc kenî.'

Wezîfedarê TÎGEMî pê heman bahane dest nanê pêzanê dewijan ser û pêzan têşan û vêşan verdenê. Dima zî binê nameyê 'mesrafê miqatbîyayîşî' dewijan ra seba dayîşê pêzan pere wazenê.