Sîyasetmedara kurde Aysele Tugluka ke Zîndanê Kandira de tepişîyena, nêweşa demansî ya û rewşa ci vera bena giranêr.

Dezgehê Tipê Edlîyî (ATK) raporê 'eşkena zîndan de bimana' da Tugluke la derheqê fermandarê verênî yê artêşa tirke Çevîk Bîrî de raporê 'nêeşkeno zîndan de bimano' da û Bîr vera dîya.

Serekê Baroyê Dêrsimî Kenan Çetînî derheqê rewşa Aysele Tugluk de PÎRHA rê qisey kerd.

Kenan Çetînî da zanayene ke Aysele Tugluk bîya sembola tepişteyanê nêweşan û vat: ''Aysele Tugluk rixmo ke nêweşa demansî ya zîndan de tepişîyena. A hînî nêeşkena bi sereyê xo lazimîyanê xo peyda bikera. Coka cade bêra veradayene. Aysele Tugluk sey tepişteyanê nêweşan ê bînan nê heqî ra ameya mehrûmkerdene.

Îdarekarê welatî vanê 'ma heman keştîye de yê' la wina nîyo. Mîsalê ney o tewr eşkera zî no yo ke edalet Çevîk Bîrî rê yeno caardene la Aysele Tugluk rê nêno caardene. Heqê cuye heqêko qetî yo. Coka sere de Aysele Tugluk wa pêro tepişteyê nêweşî bêrê veradayene.''